تبلیغات
Günaydın Azərbaycan - دریا ائله دیم
Günaydın Azərbaycan

Hoşgeldiniz
Welcome to Azerbaijani Weblog

Mudur : Polat Alemdar

دریا ائله دیم

1389/09/15  Time: 23:56

Bu Yazinin Bölməsi: Şeir(شعر) ،

دریا ائله دیم

ترکی بیر چشمه ایدی ،من اونی دریا ائله دیم               بیر سویوق معرکنی محشر کبرا ائله دیم

بیر ایشیلتیدی سها اولدوزی تک گورسنمز                  گوز یاشیملا من اونی عقد ثریا ائله دیم

امیدیم وار که بو دریا هله اقیانوس اولا                      اونا ضامن بو زمینه کی مهیا ائله دیم

عرفانا چاتماسا شعر و ادب ابقا اولماز                       من ده عرفانا چاتیب ، شعریمی ابقا ائله دیم

ابدیتله یاناشدیم دوغلا حافظه تای                             شیرازین شاهچراغین تبریزه اهدا ائله دیم

ترکی نین جانینی آلمیشدی حیاسیز طاغوت                  من حیات آلدیم اونا ، حق چون احیا ائله دیم

(فیض روح القدس ) اولدی مددیم حافظ تک                من ده حافظ کیمی اعجاز مسیحا ائله دیم

قمه قداره لر آغزیندا دیل اولمیشدی سوگوش              من سه وینج ائتدیم اونی ، خنجری خرما ائله دیم

ایندی گویلرده گوزل صفله صفاایله گزیر                    منجلابلاردا اوزن اوردگی دورنا ائله دیم

باخ کی ( حیدربابا) افسانه تک اولموش بیر قاف           من کیچیک بیر داغی سر منزل عنقا ائله دیم

بوردا ( روشن ضمیرین ) ده هنرین یاد ائده لیم            من اونون دا قلمین طوطی گویا ائلدیم

نه تک ایراندا منیم ولوله سالمیش قلمیم                     باخ کی ترکیه ده ، قافقازدا نه غوغا ائله دیم

باخ که تهراندا نه فرزانه لر اولموش واله                  باخ کی تبریزده نه شاعرلری شیدا ائله دیم

هم ( سهندیه) سهندین داغین ائتدی باش اوجا             هم من اوز قارداشیمین حقینی ایفا ائله دیم

آجی دیللرده شیرین ترکی اولوردی حنظل                    من شیرین دیللره قاتدیم اونی حلوا ائله دیم

هرنه قالمیشدی کئچنلردن اونا بال پتگی                     اریدیب موملا بالین شهد مصفا ائله دیم

ترکی ، واللاه ، آنالار اوخشاغی ، لایلای دیلی دیر        دردیمی من بو داوا ایله مداوا ائله دیم

شهریار ، حیف سویخدیر بو دگیرمان هله ده               دارتماغا یوخدی دنی ، من ده مدارا ائله دیم

 

                                                                                                            (شهریار)

 



Yaziçi:Polat Alemdar

Edit:---

آرشیو موضوعی(Bölmələr)

آرشیو(Arşiv)

آخرین پستها(Son Yazilar)

نویسندگان(Yaziçilar)

لینکدونی(Link)

نظرسنجی

  • آیا این وبلاگ رضایت شما را جلب کرده است؟



آمار وبلاگ(Ziyarət)

  • (Hepsi)کل بازدید :
  • (Bu Gün)بازدید امروز :
  • (Dünən)بازدید دیروز :
  • (Bu Ay)بازدید این ماه :
  • (Keçmiş Ay)بازدید ماه قبل :
  • (Yaziçi Sayisi)تعداد نویسندگان :
  • (Yazi Sayisi)تعداد کل پست ها :
  • (Son Bakiş)آخرین بازدید :
  • (Son Gündələmə)آخرین بروز رسانی :

(Axtariş)جستجو


اوقات شرعی

رنک الکسا

ابزار هدایت به بالای صفحه